Белем биреү проекты

Белем биреү проектына төркөм йәрәбә һалыу ярҙамында билдәләнде. Янауыл, Илеш райондары, Өфө, Стәрле, Межгорье ҡалалары уҡытыусылары берләшеп 2020 -се йылда Башҡортостанда уҙасаҡ Фольклориада йылына арнап, "Халыҡ ижады аҫыл таш, күҙ өҫтөндәге матур ҡаш" тигән девиз аҫтында халыҡ ауыҙ-тел ижады үҙәген асыу проектын тәҡдим иттек.Бер йыл эсендә башҡарыласаҡ эш планы менән таныштырҙыҡ, ирекмәндәрҙе йәлеп итеү, иғәнәселәр табыу кеүек эштәр менән шөғөлләндек. Проекттың актуаллеген билдәләнек.