Яңылыҡтар

Яңылыҡтар 

Республиканская дистанционная олимпиада по башкирскому языку(Стерлитамакский филиал БашГУ)(май 2020) 

Бөйөк еңеүҙе ҡаршылап.

Мәктәп уҡыусылары: Мазаев Раиль(6класс), Нуруллина Ләйсән(9 класс), Маннанова Элза(10 класс) Еңеү көнөнә аргалған иншалар менән район конкурсында ҡатнаштылар. Улар араһынан Нуруллина Ләйсән еңеүсе булды. Афарин, Ләйсән!

25 апрель - Башҡорт теленән халыҡ - ара  онлайн диктант - 2020


Илеш районы М.Гәрәев исемендәге Бишҡурай урта мәктәбенән башҡорт теленән онлайн диктант яҙырға 80 кеше теркәлде. Теркәү үтмәгәндәр ҙә был сараға әүҙем ҡушылды. Уҡыусылар, уҡытыусылар, ата - әсәләргә ҙур рәхмәтемде белдерәм!

 17 апрель - Милли кейем көнө

Был көндө милли кейемгә арналған онлайн дәрестәр үтте. Милли кейемдәр тарихына арналған дәрестәрҙе уҡыусылар бик теләп ҡабул итте. 

21 февраль - Туған телдәр көнө 

Ошо уңайҙан М.Гәрәев ис.Бишҡуруй урта мәктәбендә ҙур байрам сараһы уҙғарылды.Зал байрамса биҙәлгәйне. Стенала тел тураһында мәҡәлдәр урын алһа, сәхнә башҡорт тирмәһенең эсен хәтерләтә ине . Байрам "Ерем, илем, телем" тип исемләнгән әҙәби-музыкаль композиция менән башланып китте. Тел тураһында шиғырҙар, йырҙар яңғыраны. Артабан башҡорт теле һәм әҙәбиәте буйынса муниципаль, республика, регионара һәм Рәсәй конкурстарында еңеү яулаған уҡыусыларҙың сығыштары һәр кемдең күңеленә хуш килде. 

Ринат Хәйриҙең тыуыуына 70йыл.

"Мин ышанам әле таңдарға"

Башҡортостан Республикаһының Ғәлимов Сәләм исемендәге премия лауреаты, яҡташыбыҙ, күренекле шағир Ринат Хәйриҙең тыуыуына 70 йыл тулыу уңайынан ойошторолған район конкурсында ҡатнашып "Театр яҙыу рәүеше" номинацияһында III урынды яулаған М.Гәрәев ис. Бишҡурай урта мәктәбе уҡыусыһы Мазаев Раильгә афарин!

Мостай Кәимдең тыуыуына 100 йыл тулыу уңайынан ойошторолған Региональ онлайн олимпиада.

Декабрь айында Көньяҡ-Урал белем биреү үҙәге тарафынан ойошторолған олимпиадала М.Гәрәев ис. Бишҡурай урта мәктәбенән 9 уҡыусы ҡатнашып, улар араһынан Нуруллина Ләйсән (9кл.), Латыпова Алһыу (8 кл) , Әхмәтйәнова Зилиә (8 кл) еңеүсе булдылар,  ә ҡалғандар призлы урындарҙы яуланылар. Афарин, уҡыусылар! Уҡытыусы Хәҙимуллина Рәмзилә Рәфәт ҡыҙы Рәхмәт хаты менән бүләкләнде.

 Театр яҡтылыҡҡа, яҡшылыҡҡа, нурға илтә...

22.11.2019.

Мәктәп коллективы Данил Сәлиховтың ике пәрҙәле "Ҡыҙҙар ҡапҡыны" тигән комедияһы менән Ҡужбахты ауылы мәҙәниәт йортонда сығыш яһаны. Тамаша бер үк ваҡытта сағыу ҙа, фәһемле лә, ғибрәтле лә ваҡиғаларҙы эсенә алған. Тәрбиәүи моменттарға бай булған был әҫәр тамашасыны битараф ҡалдырмағандыр, тип уйлайбыҙ. Мин үҙем өс иргә барып ҡайтҡан Сәмиға Кадышевна ролен башҡарҙым. Был образ балаларын ҡарамайынса ташлап ҡалдырған, үҙ рәхәтен генә ҡарап йөрөгән ҡатынды кәүҙәләндерә...

Туған тел һәм рус теле уҡытыусыларының Бөтә Рәсәй оҫталыҡ - класы.

14-15.11.2019

Туған тел уҡытыусыларының  Бөтә Рәсәй оҫталыҡ - класы конкурсы сиктәрендә уҙғарылған "Уҡыусыларҙың туған телдә ижады" конкурсында ҡатнашып, 11 класс уҡыусылары Гәрәева Лиана "Вокаль оҫталыҡ" номинацияһында, ә Закирова Эльнара "Туған телдә А.С.Пушкин шиғырын оҫта башҡарыусы" номинацияларында еңеү яулап ҡайттылар. Сығыш яһау һәм бүләкләүҙәр Федерация Советы залында уҙҙы.

Мостай Кәримгә арналған эҙләнеү-тикшеренеү эше.

14.11.2019

Республика крайҙы өйрәнеү үҙәге тарафынан Мостай Кәримгә 100 йәш тулыу уңайынан  ойошторолған уҡыуҙарҙа "М.Кәрим шәхесе, яҙмышы, ижады" тип исемләнгән номинацияла 9 класс уҡыусыһы Нуруллина Ләйсән 1-се турҙы уңышлы үтеп, Сертификатҡа лайыҡ булды.

"Иң яҡшы педагогик династия" Регион-ара конкурсы

30-31.10.2019

11 класс уҡыусыһы Гәрәева Лиана менән "Иң яҡшы педагогик династия" тип исемләнгән Регион-ара конкурсында "Йөрәгемде балаларға бирәм" номинацияһында уңышлы сығыш яһап, Сертификатҡа һәм бүләккә лайыҡ булдыҡ.

"Инновацион технологиялар менән оҫта эш итеүсе" номинацияһында еңеүсе

13.10.2019

М.Аҡмулла ис.Башҡорт Дәүләт Педагогия институтының башҡорт теле һәм әҙәбиәте кафедраһы ойошторған "Минең Мостайым" тип исемләнгән , ФГОС талаптарына тура килгән кластан тыш саралар һәм дәрес эшкәртмәләре  Республика конкурсында "Инновацион технологиялар менән оҫта эш итеүсе" номинацияһында еңеүсе булдым.

"Башҡортостандың 100 шағиры"  

18.10.2019.

"Башҡортостандың 100 шағиры" район шиғыр конкурсында 9 класс уҡыусыһы Ғилданова Эльмира М.Кәримдең "Ҡайын япрағы тураһында" шиғырын яттан һөйләп, призер булды. Афарин, Эльмира"

"Мостай Кәримгә - 100"

24.10.2019.

"Мостай Кәримгә - 100" Шағирҙың шиғырҙарын яттан һөйләү район конкурсында  9 класс уҡыусыһы Эльмира Ғилданова "Минең һөйгәнем" шиғырын тасуири һөйләп, призлы урын яуланы; 6 класс уҡыусыһы Раиль Мазаев "Башҡорт егеттәренең яуап хаты" нан өҙөктө рэп итеп башҡарып, "Креатив сығыш"  номинацияһында еңеүсе булды.

Юғары награда

04.10.2019

Педагогик хеҙмәттә юғары уңыштарға өлгәшкән өсөн Рәсәй Федерацияһының 28.08.2019й.453-сө приказына ярашлы, аҡсалата премия менән бүләкләндем. Еңеүсе сертификатын Ауыл хужалығы министрлығының колонналы залында Башҡортостан Республикаһы башлығы Радий Фәрит улы Хәбиров тапшырҙы.

"Минең Россиям"  "Минең Республикам"  

01.10.2019.

Сентябрь айында "Минең Россиям" бөтә Россия инновацион проект сиктәрендә Халыҡ энциклопедияһы Академияһы тарафынан ойошторолған "Минең Республикам" эҙләнеү-тикшеренеү, методик һәм ижади эштәр региональ конкурсында үҙем һәм уҡыусыларым: Гареева Лиана(11кл), Закирова Эльнара(11кл), Мазаев Раиль(6кл) уңышлы эштәр башҡарып II дәрәжә лауреат Дипломдарына лайыҡ булдыҡ.

Башҡорт теле уҡытыусыларының методик ойошма семинары

20 августа М.Гәрәев ис. Бишҡурай урта дөйөм белем биреү мәктәбендә райондың инглиз, урыҫ, татар һәм башҡорт теле уҡытыусыларының методик семинарҙары йәки секция занятиелары үтте. Бында беренсе тапҡыр район мәктәптәренең директорҙары ла ҡатнашты. Пленар өлөштә методик ойошмаларҙың эшсәнлегенә анализ яһалды, яңы уҡыу йылына бурыстар билдәләнде. Практик өлөштә туған тел уҡытыусыларына оҫталыҡ класымды тәҡдим иттем, уҡыусыларҙың эҙләнеү- тикшеренеү эшмәкәрлеге тураһында күргәҙмә менән таныштырҙым. Эш Донъяуи кафе форматында актуаль проблемаларҙы тикшереү менән дауам итте.

14 май көндө Нефтекама ҡалаһында Башҡорт теле һәм әҙәбиәте уҡытыусыларының I Бөтә Рәсәй съезы һөҙөмтәләре буйынса зона конференцияһы үтте. Бында 9 райондан башҡорт теле уҡытыусылары ҡатнашты. "Туған телдәрҙе өйрәнеүҙең көнүҙәк мәсьәләләре" темаһы аҫтында икенсе майҙансыҡта "Башҡорт әҙәбиәте дәрестәрендә уҡыусыларҙың эҙләнеү-тикшеренеү эшмәкәрлеген...

8 майҙа мәктәп уҡыусылары һәм уҡытыусылар Еңеү көнөнә арналған митингта ҡатнашты: әҙәби- монтажда сығыш яһанылар, обелискка венок һалдылар, "Үлемһеҙ полк"та урамдан уҙҙылар. Ирекмәндәр Георгий таҫмаларын ҡатнашыусыларға бүләк иттеләр. Был көн 8. 10 класс уҡыусыларына Ирекмән танытмаһын тантаналы тапшырыу менән дә иҫтәрендә ҡалды.

Районда уҙғарылған "Еңеү яҙы" шиғыр бәйгеһендә 5 класс уҡыусыһы Мазаев Раиль Фәтих Кәримдең "Ҡыңғыраулы йәшел гармун" поэмаһынан өҙөк ятлап еңеүсе булды. Уңышлы сығыш яһаған гармунсы дуҫыма Афарин!

Латыпова Илүзә, Бәдртдинова Лилиә, Сәмиғуллина Венералар Башҡортостан тарихы менән бергә атлаған 102 йәшлек Нәҡиә инәйҙең хәлен белешеп, ярҙам итеп сыҡтылар. Инәй үҙенең иҫтәлектәре менән бүлешеп, ҡыҙҙарға рәхмәт уҡып ҡалды.

Иҫке Күктау мәҙәниәт йортонда Башҡортостандың 100 йыллығына арнап Илеш районы Ҡоролтайы етәксеһе Илшат Сибәғәтуллин тарафынан ойошторолған шиғыр байрамы уҙҙы. Сараға мәртәбәле шағирәләр -Гөлфиә Юнысова, Лариса Абдуллина һәм мәғариф ветераны Ғәлимә Ғәлиевна саҡырылғайны. Беҙҙең мәктәптән 8 класс уҡыусыһы Ғилданова Эльмираның матур сығыш яһауы...

8 класс уҡыусыһы Тешабаева Айгөл районда уҙғарылған китап уҡыусылар конференцияһында "Иң әүҙем сығыш яһаусы" булараҡ билдәләп үтелде.

Башҡортостандың 100 йыллығына арналған байрам тантанаһы уҙҙы. Уҡыусылар әҙәби - музыкаль монтаж менән сығыш яһаны. Төрлө конкурстарҙа уңышлы сығыш яһаған уҡыусылар билдәләп үтелде, маҡтау грамоталары тапшырылды. 8 класс уҡыусылары араһынан компьютер презентациялары араһында районда призлы урын яулаған Нуруллина Ләйсән, Иң матур шиғыр һөйләүсе...

Башҡорт дәүләт университетында "Башҡортостан - Рәсәй ынйыһы" интернет-викторина конкурсы еңеүселәре билдәләнде. Бүләкләнеүселәр араһында беҙҙең мәктәптән 10 класс уҡыусыһы Закирова Эльнара ла бар ине. Ул ике номинацияла сығыш яһап, еңеүсе һәм призер булды. Уҡыусымды ысын күңелдән ҡотлайым һәм ғорурланам.

Белем биреү проектына төркөм йәрәбә һалыу ярҙамында билдәләнде. Янауыл, Илеш райондары, Өфө, Стәрле, Межгорье ҡалалары уҡытыусылары берләшеп 2020 -се йылда Башҡортостанда уҙасаҡ Фольклориада йылына арнап, "Халыҡ ижады аҫыл таш, күҙ өҫтөндәге матур ҡаш" тигән девиз аҫтында халыҡ ауыҙ-тел ижады үҙәген асыу проектын тәҡдим иттек.Бер йыл эсендә...

Создано с помощью Webnode
Создайте свой сайт бесплатно! Этот сайт сделан с помощью «Webnode». Создайте свой собственный сайт бесплатно уже сегодня! Начать